Túrkııa prezıdenti Rejep Taıyp Erdoǵan G20 kóshbasshylarynyń Saýd Arabııasy men Izraıl arqyly Úndistannan Eýropaǵa kólik dálizin salý týraly bastamasyn synǵa aldy, dep habarlaıdy Egemen.kz News Israel aqparattyq portalyna silteme jasap.
Rejep Taıyp Túrkııa kólik dálizin salý jobasynda bolmasa, bul jobany júzege asyrý múmkin emes dep otyr.
Atalǵan joba Úndistan men Birikken Arab Ámirlikteri arasyndaǵy qarqyndy tasymaldaý baılanysyn qamtamasyz etedi. BAÁ-niń ózi trassanyń eń qıyn ýchaskesi – transshekaralyq temirjoldyń bastamasy bolmaq. Bul jeli BAÁ, Saýd Arabııasy, Iordanııa jáne Izraıl aýmaqtary arqyly ótedi.
Túrkııany quramǵa qosý qıyndyq týǵyzyp otyr. Sebebi bul el men Úndistannyń arasynda Aýǵanstan, Iran, Irak, Sırııa sııaqty memleketter bar. Alaıda ázirge tek ózara túsinistik týraly memorandýmǵa qol qoıyldy. Joba áli iske asyrýǵa daıyn emes. Oǵan Afrıka elderi de qatyspaq, biraq ońtústikke baratyn joldyń qandaı bolatyny áli belgisiz.
Taıaý Shyǵystaǵy temirjol AQSh pen Saýd Arabııasy arasyndaǵy bolashaq mámile boıynsha kelissózder júrgizýdiń bir sebebi bolýy múmkin, onyń ishinde Izraıl de onyń bóligi bolady.